Proxecto: "Mediadores en Emerxencias Psicosociais"

En colaboración co Patronato Concepción Arenal de Ferrol.

​Este proxecto consiste na realización de diversos obradoiros teórico-prácticos en Emerxencias Psicosociais, no que as actividades prácticas estarán enfocadas á aplicación dos conceptos, técnicas e procedementos da teoría.

Os obxectivos son a atención das urxencias sociais que non poidan ser atendidas polos servizos de atención primaria da cidade; proporcionar acompañamento social e acollida ó colectivo de persoas sen fogar que se atopen nas rúas de Ferrol e a intervención en situación de emerxencia social que sexan producidas na vía pública, domicilios particulares ou outros lugares do municipio de Ferrol.

Este obradoiro xa tivo unha edición previa nos meses de xuño e xullo de 2016. Agora repetirase en diversas datas. Para coñecer as datas ponte en contacto con Arraigo ou co Patronato.